Токио хотын Роппонги дүүрэг гэхээр японд байдаг бүх хүмүүс андахгүй. Энэ газар нь өндөр шилэн оффисын барилга ихтэй ба шөнийн цагаар дэлхийн өнцөг булан бүрээс ирсэн хүмүүс клуб, бар цэнгээний газруудаар нь үйлчлүүлнэ.
Би энд айл нүүлгэлтийн цагийн ажил хийдэг. Өдөр бүр янз бүрийн айлууд, оффисуудаар орж гарна. Маш сонирхолтой ажил. Нүүлгэлтийн аль ч компаний ажилтнууд Роппонги дүүрэг рүү явахыг хүсэхгүй байх. Учир нь оффис болон маншён (орон сууц) -уудын жижүүрүүд нь төрөл бүрийн хамгаалалтын зүйлс шаарддаг. Шалыг нь хүртэл хамгаалах бүрхэвчээр бүрэхгүй бол болдоггүй юм л даа.
|
Роппонги Хиллс Мори Тауэр |
Роппонги дүүрэг нь Роппонги Хиллс Мори Тауэр (Roppongi Hills Mori Tower) гэсэн тэнгэр баганадсан барилгаараа алдартай.
Маш гоё барилга байдаг юм. Токиогийн тэнгэр баганадсан барилгуудын 10 -р байранд ордог юм байна. Дээд зэргийн зочид буудал, ресторан, оффис, музэй, кино театр, орон сууцнууд байдаг. Роппонги хиллсийг Мори гэх компани барьсан гэдгийг саяхан ажлынхаа нэг ахаас санаандгүй сонссон юм. Тэгтэл Мори бьюлдинг компани нь Роппонгид байх тэнгэр баганадсан барилгуудын ихэнхийг барьсан байх юм. Дайны дараа балгас болсон байсан газрыг орчин үеийн хот болгож чадсан Мори компаний эцэг нь Мори Тайкичиро (Mori Taikichiro) гэдэг хүн байдаг юм байна. Тэрээр 1928 онд Токио Шока Их Сургууль буюу одоогийн Хитоцүбаши их сургуулийг төгсчээ.
|
МОРИ компаний эмблем |
Дэлхийн 2 дугаар дайны дараа Ёкохама Их Сургуульд худалдааны арга зүйн хичээл зааж байсан ба сүүлд нь тус сургуулийнхаа захирал болж байжээ. Түүний аав Мори гуай будааны тариачин, худалдаачин байсан бөгөөд 1959 онд нас барсных нь дараа 2 барилгатай даруухан гэр бүлийн бизнесийг өвлөн авчээ. Тэрээр Роппонгид шинэ аварга барилгууд барихын тулд 500 айлыг нүүхийг ятгаж чадсан байна. Шинэ барьсан орон сууцнууддаа оруулах болон өөр газраар солих зэргээр барилгуудаа барих талбайг олж авчээ. Зүгээр л айлуудын модон байшингууд байсан газрыг орчин үеийн шилэн барилгуудаар сольж, амьдралын шинэ стандартыг нэвтрүүлсэн Мори Тайкичиро нь тун даруухан нэгэн байсан байна. Жирийн нэгэн ажилтан шиг хувцасладаг тэрээр 1992 онд 13 тэрбум ам.долларын хөрөнгөтэй байжээ. 1993 онд тэрээр зүрхний өвчнөөр 88 настайдаа өөд болжээ. Түүнийг өөд болсоны дараа түүний том хүү Мори Минору (Mori Minoru) гэр бүлийн бизнесээ өвлөн авчээ. Минору ч мөн адил гэр бүлийн бизнесээ маш амжилттай эрхэлж байжээ. Энэ хүн миний дуртай Roppongi Hills Mori Tower барилгыг барьсан юм. Мөн тэрээр компаниа удирдаж байхдаа Шанхайн Дэлхийн Худалдааны Төвийн барилгын төслийг гүйцэтгэжээ. Энэ нь Хятадын хамгийн өндөр бөгөөд лонхны бөглөө задлагч шиг хэлбэртэй бас нэгэн гайхалтай бүтээл юм.
|
Шанхайн Дэлхийн Худалдааны Төв |
Өөрийнхөө нэрээр нэрлэсэн 1955 онд байгуулагдаж байсан Мори гэх жижиг үл хөдлөх хөрөнгийн газар өнөөдрийг хүртэл аварга компани болон хөгжиж иржээ. Токиогийн үнэтэй дүүргүүдэд маш олон төслүүдийг хэрэгжүүлэхийн хамт Хятадад хэд хэдэн төсөл хэрэгжүүлсэн юм байна. Хүний амьдрах, ажиллах орчныг төгс шийдэж чадсан энэ гэр бүл үнэхээр гайхалтай байгаа биз. Бүхэл бүтэн Токиогийн төвийн дүүргийг тэд цогцлоосон гэхээр би хувьдаа бишрээд л байгаа юм.
Хүн түүхийг бүтээдэг. Мори гуай түүхийг үнэхээр бүтээж чаджээ. Орон сууц, оффисийн барилгын аварга компанийг бүтээж чаджээ. Төвийн томоохон дүүргийг цогцлоож чаджээ. Төв хурдны замаар явж байхад харагдсан өндөр шилэн барилгуудыг нэгэн гэр бүл бүгдийг эзэмшдэг гэхээр үнэхээр гайхалтай сэтгэгдэл төрсөн. Өнөөдөр ч гэсэн тэд нэгэн төсөл дээр ажиллаж байна. Тораномон хэмээх аварга төсөл нь 2014 онд ашиглалтанд орох бөгөөд Токиогийн хамгийн өндөр оффисын барилгаар тодрох юм.
Компаний гүйцэтгэсэн томоохон төслүүд
1955 (Aug.) | Established Mori Fudosan |
1956 (Aug.) | Completion of Nishi-Shimbashi 2 Mori Building |
1957 (Nov.) | Completion of Nishi-Shimbashi 1 Mori Building |
1959 (Jun.) | Established Mori Building Co., Ltd. |
1959 (Jul.) | Completion of Nishi-shimbashi 3 Mori Building |
1973 (Aug.) | Completion of Roppongi 25 Mori Building |
1978 (Oct.) | Opened LaForet Harajuku |
1981 (Sep.) | Completion of Toranomon 37 Mori Building |
1986 (Mar.) | Completion of ARK Hills |
1993 (Oct.) | Completion of Roppongi First Building |
1996 (Oct.) | Completion of Senmao Building (Dalian) |
1998 (Apr.) | Completion of Senmao Building (currently Hang Seng Bank Tower)(Shanghai) |
1999 (Jan.) | Published "Urban New Deal Policy" |
1999 (Jul.) | Opened VenusFort |
2000 (Mar.) | Completion of Koraku Mori Building |
2000 (Sep.) | Completion of Akasaka Tameike Tower |
2001 (Jun.) | Completion of ARK Yagi Hills |
2001 (Oct.) | Completion of Atago Green Hills |
2002 (Sep.) | Completion of Moto-Azabu Hills |
2002 (Nov.) | Completion of Prudential Tower |
2003 (Apr.) | Completion of Roppongi Hills |
2005 (Feb.) | Completion of Holland Hills Mori Tower |
2006 (Feb.) | Opened Omotesando Hills |
2008 (Oct.) | Completion of the Shanghai World Financial Center |
2009 (Dec.) | Completion of Hirakawacho Mori Tower |
2011 (Jan.) | Completion of ARK Hills Front Tower |
2011 (Mar.) | Completion of Roppongi Hills Crosspoint |
2012 (Aug.) | Completion of ARK Hills Sengokuyama Mori Tower |
2013 (Sep.) | Completion of ARK Hills South Tower |
2014 | Completion of Toranomon Hills (planned) |
|
Тораномон цамхаг |